جزائرية أصيلة مشـــــــــرف
عدد الرسائل : 818 العمر : 32 تاريخ التسجيل : 22/03/2009
| موضوع: جيت ليك يا لبحر.... الخميس 23 أبريل - 6:22:18 | |
| جيت ليك يا البحر غير باش تصبرني سا عة رجعت انا نصبر فيك راني حاس بحالك راك غايضني راني حاس بلي راه صاير فيك منين راح الصيف وجات الشتا ضحيت وحداني الغزلان اليوم الكل هجرت عليك مش غير انت يا البحر اللي راك تعاني حتى انا الحقرة هي اللي جابتني ليك حتى انا حبيب قلبي راح وعداني ونسا بلي كان معايا في الحب شريك مازلت نتفكر بلي راح وخلاني ولو نعيدللك همي يا البحر في همك نسيك حاكم الورقة ونكتب والدمعة في عياني يا اللي بكيتي هدا القلب تدور الدنيا ونبكيك
علاش راك تبكي ياك الصح راكي قلتيه خليها لكان حبت تروح تروح علاش راك تبكي للي قلبها حديد الوليه هي اللي حقها تبكي وتنوح خووكم مازال واقف وصنديد صابر لربي بالرغم اللي قلبو مجروح الخير فاضل وكل يوم كاين جديد واللي حبت تروح من عندنا مسموح
غير تروح ونشوفوها وين توصل في النهاية نشوفو كيفاش تخلاص عليها اللي هربت على الرجال لابد تحصل وتبكي بالدموع على اللي ضاع من يديها الراجل مش حق باش يبكي ويحلل خوكم عمرو الطفلة ما يركع ليها حبت تروح الطريق راه يفوت جمل وندعولها دعوة الخير ربي يهنيها
علاش هدا البكا خويا واش اللي بيك علاش صاحبي راك تغبن في روحك الطفلة كي تبكيلها تضحك عليك الطفلة ما تحبش اللي يبكي ويحلل كيفك كونك راجل ورمي اللي يرميك ومكاش اللي تبيع بالرخيص كي تغلي شانك وبلاك وبلاك الطفلة تشوف الدمعة في عينيك عيب باش تبكي على اللي ما تسواش قدرك وكان حبيت تبكي بكي على اللي تبغيك ومش عيب كان بكيت على اللي بكات على جاللك انا عقليتي هاك انا عقليتي هي اللي خلاتني نخليها ولله ما تطيح دمعتي على اللي ما تبغنيش واللي حبت تبيعني قبل ما تبيعني نشريها وندير رايي وحتى واحد بيه ما علاباليش انا الحماحة اللي في قلبي مربيها عمري باش نخليها تربي الريش الطفلة غير يبداو يطوالو جنحيها تنكر الخير وهدي قع فيها ما تغالبونيش الطفلة تحب اللي يدي الشر فيها انا درت الخير يا خويا والخير في النسا ما خرجنيش
اللي خلاتك عندها حق باش تخليك الي طلق اللجام لازم عودو يهربلو ولو سمعت لوصايتي لزمان كي كنت نوصيك ما توصلش لوين النوايا اليوم وصلو تبعت قلبك شوف قلبك وين يديك يندم جميع من تبع القلب وخلا عقلو ولو صراللك ما صرالي تنسا اللي بيك اللي صرالهم ما صرالي المساكن هبلو هاملين وحنان عليها وعليك ويحياو الرجال اللي ما رضاوش باش في الحب يندلو عارف بلي باش خلاتك العيب راهو فيك انا خبرت الزمان وخبرتك وقلتلك واش النسا يستهلو يا خويا فيق وين راك رايح على راسك نقرو عليك النسا باش راك تبكي عليها ؟ ما تقليش مسحور غير فوتها وقيسها من باللك مكان لا سحر لاوالو قلبك يبغيها ياك عارفها خلاطة عرفت شحال قبلك دابة اللي جا يركب فيها عايللتك من الكبار وانت طيحت بناسسك حكايتك الناش الكل سمعت بيها باباك المرحوم فحل ما هوش بحاللك ولو مازالو في الحياة تسميتك من الكارتة يمحيها يا خويا فيق علاش راك طايح على راسك كيفاش اللي قاسوها الرجال انت تديها تعادي في الرجال اللي ضربت على صلاحك ورجعت تقول الغيورين حسدوني فيها كان هي مرا صح تكون فحلة وتحكيللك تقوللها تحكيللك على الشوادة اللي لعبو بيها يا الغافل علاش راك تطيح بقدرك يا الغربال محال باش يقدر الشمس يغطيها غدوة تدور الدنيا وتبقى وحدك وغير الغلطان اللي نوى اللفعة يربيها لوكان باش تدوم راهي دامت اللي قبلك راهي مع اللي بربع كيات في يدها كا ويها كان ما شفتش يجي نهار وتشوف بعينك ويومها تتفكر وصايتي اللي راك اليوم ناسيها
انا ضد النسا الخلاطات اللي عرفت زوج الزوج عندي طحان الاول زها وترك دكريات والزاوج ما عليه غير يلبس عجار النسوان كلامي نقولو كيما جات جات كلامي نقولو ونعطيك البرهان انا ولله ما نكره البنات قد ما نكره اللي طحان وفرحان
انا نحب الطفلة اللي عندها اصل كي تعرف راجل تبقى معاه حتى للموت ما نحبش الطفلة اللي تبيع الراجل مش حق باش الطفلة على ظهر راجل تفوت شفت وجربت وما نيش غافل وبلا سنارة نعرف نصيد الحوت الراجل باش يكون راجل يا خويا مش ساهل الراجل لازم ما يسمحش في قدرو ولو بالموت [url= منقوووووووول | |
|
محمد مشـــــــــرف
عدد الرسائل : 348 العمر : 31 تاريخ التسجيل : 28/11/2008
| موضوع: رد: جيت ليك يا لبحر.... الإثنين 27 أبريل - 11:06:02 | |
| يعطيك الصحة هدا راجل غافل بصح مزية كاين لبحر لي ينصح شكرا | |
|
lolwa مشـــــــــرف
عدد الرسائل : 698 العمر : 32 تاريخ التسجيل : 27/11/2008
| موضوع: رد: جيت ليك يا لبحر.... الخميس 7 مايو - 11:24:25 | |
| | |
|